बारा, २२ फाल्गुन
कम्प्युटर एसोशिएशन नेपाल महासंघ बारा ( CAN Federation Bara) अध्यक्ष संजय केशरी ज्यूको अध्यक्षता तथा अमृता अनाथ आश्रमकी संचालिका फुलकुमारी बस्नेत ज्यूको प्रमुख आतिथित्यमा शुभकामना आदान प्रदान तथा सामग्री वितरण कार्यक्रम सम्पन्न भयो ।
कम्प्युटर एसोशिएशन नेपाल महासंघ बारा ( CAN Federation Bara) द्वारा हिन्दुहरुको महान पर्व फागुपूर्णिमा (होली) २०७९ को पावन अवसरमा कलैया स्थित अमृता अनाथ आश्रममा त्यहाँका बालबालिकाहरुलाई खाधान्य सामग्री वितरण गर्नुको साथै शुभकामना आदान-प्रदान कार्यक्रम सम्पन्न भएको हो ।
सो कार्यक्रमामा क्यान महासंघ मधेश-प्रदेश समितिका सचिव गणेश ठाकुर र कोषाध्यक्ष लक्ष्मण चौधरी, क्यान महासंघ बाराका सदस्य पवन कुशवाहा, मानिकचन साह लगायतले हिन्दुहरुको महान पर्व फागुपूर्णिमा (होली) को बारेमा आ–आफ्नो शुभकामना मन्तव्य राखेका थिए । सो कार्यक्रम सञ्चालन क्यान महासंघ बाराका स-सचिव सुरेश यादवले गरेका थिए ।