काठमाडौं महानगरपालिकाका प्रमुख प्रशासकीय अधिकृत सरोज गुरागाईँ शुक्रबार सहजरुपमा कार्यालय पुगेका छन् ।
उनी आज कार्यालय समयमै कुनै अवरोधबिना कार्यालय प्रवेश गरेका हुन् ।
महानगरका प्रवक्ता नवीन मानन्धरले भने,’आज प्रमुख प्रशासकीय अधिकृत कुनै अवरोधबिना कार्यालय प्रवेश गर्नुभएको छ, कुनै अवरोध भएन।,’
उनका अनुसार, प्रमुख प्रशासकीय अधिकृत आएसँगै कर्मचारीको खातामा तलब पठाउने प्रक्रिया अघि बढिसकेको छ । सोमबारसम्म सबै कर्मचारीको खातामा तलब पठाउने तयारी भएको उनले बताए।
