जनता समाजवादी पार्टी नेपालका अध्यक्ष उपेन्द्र यादवले नेपालले भारतको मात्र नभई कसैको पनि भूमि नमिचेको बताएका छन् । आइतबार पर्सामा आयोजित एक कार्यक्रममा बोल्दै उनले सो कुरा बताएका हुन् ।
उनले आफू यो देशको दुई पटक परराष्ट्रमन्त्री भइसकेको तर हालसम्म त्यस्तो कुराको जानकारी कतैबाट नआएको बताउँदै प्रधानमन्त्री शाहले कसरी थाह पाए भनी आश्चर्य व्यक्त गरे । भारतले आजसम्म पनि नेपालले आफ्नो भूमि मिचेको कुराको दाबी नगरेको अवस्थामा प्रधानमन्त्री बालेनले उल्टै नेपालले भूमि मिचेको गैरकूटनीतिक कुरा गरेको उनले बताए ।
‘नेपालले भारतको भूमि मिचेको कुरा प्रधानमन्त्री बालेनले राखेका छन्, अब उनले नै तथ्य र प्रमाणका आधारमा पुष्टि गर्नुपर्छ’ अध्यक्ष यादवले भने ।
