भारतको झारखण्डमा शनिबार भारी वर्षा भएको छ। वर्षाका कारण रामगढ जिल्लाको महुआ टाङ्ग्रीमा बिहान एक अवैध कोइला खानी भत्किएको छ। घटनामा चार जनाको मृत्यु भयो भने ४ जना घाइते भएका छन्।
मध्य प्रदेशमा बलियो वर्षा प्रणाली सक्रिय भएका कारण बाढीको अवस्था आएको छ। भारी वर्षाका कारण मण्डला जिल्लामा नर्मदा नदीमा बाढी आएको छ। नरसिंहपुरबाट होशंगाबाद जोड्ने राष्ट्रिय राजमार्गमा रहेको पुल भत्किएको छ।
२० जुनमा हिमाचल प्रदेशमा मनसुन प्रवेश गरेको थियो। त्यसयता जुलाई ४ सम्म बाढी-पहिरोका घटनामा ७५ जनाको मृत्यु भएको छ। २८८ जना घाइते भएका छन्। बादल फुट्ने घटनामा सबैभन्दा बढी १४ जनाको मृत्यु मन्डी जिल्लामा भएको छ। यहाँ ३१ जना अझै बेपत्ता छन्। आज पनि राज्यमा भारी वर्षाको लागि रेड अलर्ट जारी गरिएको छ।
एजेन्सी
